У Беларусі ўсяго некалькі матэрыяльных аб’ектаў, якія ўключаны ў Спіс Сусветнай спадчыны ЮНЕСКА. А калі дакладней, іх усяго чатыры. Ёсць яшчэ спіс нематэрыяльнай спадчыны, а таксама кандыдаты на ўключэнне.
Дуга Струвэ ў в. Тупішкі
Дуга Струвэ — ўяўляе сабой сетку з 265 геадэзічных пунктаў, працягласцю 2820 км ад Паўночна-ледавітага акеана да Чорнага мора, якая праходзіць праз 10 краін свету.
Дуга стваралася з мэтай вызначэння параметраў Зямлі, яе формы і памеру. Вымярэнне вялося на працягу 40 гадоў, з 1816 па 1855 гады.
Работы праводзіліся пад кіраўніцтвам вядомага рускага
астранома, акадэміка, першага дырэктара Пулкаўскай асерваторыі Васіля Струвэ(1794-1864). Удзельнічаў у гэтай адказнай навуковай экспедыцыі і ураджэнец Ашмяншчыны, вучоны Іосіф Ходзька, географ і геадэзіст. З 31 пункта, закладзенага на тэрыторыі Беларусі ў XIX стагоддзі, сучасныя беларускія геадэзісты знайшлі і ўзнавілі месцазнаходжанне 19-ці. Пяць з іх былі ўнесеныя ў спіс гісторыка-культурнай првроднай спадчыны ЮНЭСКА. Адзін знаходзіцца ў Ашмянскім раёне. Гэта пункт Тупішкі (мясцовая назва – Цюпішкі).
З матэрыяламі, дакументамі пра Дугу Струвэ, аб жыцці і дзейнасці В. Струвэ, І. Ходзькі, аб гісторыі ўзнікнення памятніка, адкрыцці геадэзічнага пункта на цюпішскай гары і інш., можна пазнаёміцца ў музеі Дугі Струвэ.
