У 2025 годзе кожны месяц праводзіцца пад эгідай аднаго з 13-ці відаў турызму. Месяцам дзелавога турызму названы красавік. Давайце разбярэмся, што азначае гэта паняцце і што ўваходзіць у дзелавы турызм?
Дзелавы турызм – гэта дзелавыя паездкі, індывідуальныя і групавыя, розныя карпаратыўныя мерапрыемствы, якія праводзяцца як унутры краіны, так і за яе межамі. Гэта могуць быць прэс-канферэнцыі, выставы, семінары, форумы, сімпозіумы, перамовы, арганізацыя дзелавых тураў у розных галінах і многае іншае. Яны накіраваны на дасягненне галоўнай мэты – пошук дзелавых партнёраў і заключэнне перспектыўных кантрактаў у галіне турызму.
