Татары ўжо больш за 600 гадоў пражываюць на Ашмянскай зямлі. Традыцыйна арэал іх рассялення- гэта Крэва і ваколіцы, якія ўваходзілі ў складбылога Ашмянскага павету. А ў Даўбуцішках знаходзілася галоўная мячэць Вялікага Княства Літоўскага. Прадметы для выставы прадстаўлены Дзмітрыем (Давудам) Радкевічам — старшынёй Рады імамаў Мусульманскага рэлігійнага аб’яднання ў Рэспубліцы Беларусь і Канстанцінам Дземідовічам — краязнаўцам і рэканструктарам з Крэва.
На выставе вы можаце ўбачыць прадметы побыту, фотаздымкі, рэканструкцыю даспехаў і абмундзіраванне татарскіх воінаў, друкаваныя выданні і шмат чаго іншага.
Нагадаем, што выстава працуе да 15 снежня бягучага года.
