Жупраны — гэта старажытнае мястэчка на тэрыторыі сучаснага Ашмянскага раёна. Асноўнай славутасцю Жупран з’яўляецца касцёл Святых Пятра і Паўла, які быў пабудаваны ў 1875 годзе. Касцёл гэты стаіць на ўзвышшы, таму ён бачны здалёку і яго немагчыма не заўважыць падарожнічаючы міма вёскі Жупраны, якая размешчана на ажыўленай трасе. Касцёл у вёсцы Жупраны з’яўляецца архітэктурным помнікам сярэдзіны 19-га стагоддзя, гісторыка-культурнай каштоўнасцю і цікавай славутасцю Беларусі.
Каля касцёла ў вёсцы Жупраны захавалася яшчэ адна невялікая славутасць — плябанія (парафіяльная адміністрацыя), пабудаваная ў канцы 19-га стагоддзя. Таксама вёска Жупраны вядомая тым, што менавіта тут, на касцельных могілках, знаходзіцца магіла знакамітага беларускага пісьменніка — Францішка Багушэвіча. Справа ў тым, што ў канцы свайго жыцця Францішак Багушэвіч жыў непадалёк адсюль у сваім радавым маёнтку, і, мабыць, адносіўся да парафіі касцёла ў вёсцы Жупраны.
#Ашмяны #Ошмяны #Ашмяншчына #visit_oshmyany_region #Ašmena #Oszmiana #Ashmyany #Ошмянский_район #ОшмянщинаТуристическая #АшмяншчынаТурыстычная #Жупраны
